【武漢肺炎】唔再只靠飛沫傳播！廣州首發現門把手存病毒蹤跡　傳播方式或已更多元化擴散

新型冠狀病毒（又稱武漢肺炎）疫情持續，大家除咗關注口罩供應之外，尋日廣州市疾控中心更發現病毒唔再只靠飛沫傳播呀！

據中國《南方都市報》指，廣州市疾控中心喺通過對確診患者嘅居住外在環境監測及檢查中發現，喺其中一名患者居所嘅鐵門把手上出現新型冠狀病毒嘅蹤跡。

Photo from 廣州市疾控中心

廣州市疾控中心副主任張周斌表示，隨住廣州市確診、疑似病例增加，以及對密切接觸者流行病學調查，現時廣州市疾控中心實驗室每日都會收到超過600份送檢樣本。

中心除咗會對患者、疑似患者等進行生物樣本檢測外，亦會根據流行病學進行調查，並對確診患者嘅居住環境開展檢測。

比如患者居家時可能經常觸碰嘅把手、手機、電話、水龍頭、鍵盤等進行採樣，並進行環境檢測。

Photo from shutterstock

據知，廣州市疾控中心尋日就首次喺確診患者嘅鐵門把手上檢測出新型冠狀病毒中嘅核酸。

Photo from shutterstock

而喺早前，深圳及珠海等城市亦喺確診患者嘅糞便中檢測出病毒核酸。

Photo from shutterstock

因此疾控中心副主任張周斌指，疾病或已更多元化擴散，無論係飛沫傳播、接觸傳播，現時最重要應養成良好嘅清潔衛生習慣。

Photo from Photo from shutterstock

除咗把手、手機、電話、鍵盤、水龍頭開關、遙控器按鍵等容易接觸嘅物品都應該重點關注，以免疫情進一步擴散。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）